ABŞ prezidenti Barak Obama və Avropa Birliyinin liderləri Rusiyaya qarşı sanksiyaların qüvvədə saxlanılması barədə razılığa gəliblər.
Milli.Az APA-ya istinadən bildirir ki, Berlində keçirilən görüşdə müttəfiqlər qərara alıb ki, Rusiya Minsk razılaşmalarının öz üzərinə düşən hissəsini yerinə yetirənədək sanksiyalar qüvvədə qalmalıdır.
Görüşdə Almaniya, Böyük Britaniya, İtaliya və İspaniyanın baş nazirləri - Angela Merkel, Tereza Mey, Matteo Renzi, Mariano Rahoy, eləcə də Fransa prezidenti Fransua Olland iştirak ediblər.
Qeyd edək ki, səlahiyyət müddəti başa çatmaqda olan Barak Obama sonuncu dəfə Avropaya səfərə çıxıb.
Milli.Az
