Bakı. 18 noyabr. REPORT.AZ/ ABŞ-da prezident seçkilərindən sonra dolların möhkəmlənməsi dünyanın əksər valyutalarının məzənnəsinə mənfi təsir göstərib.
"Report"un analitik qrupu bir sıra əsas valyutaların dollarla müqayisədə son 10 gündə göstərdiyi dəyişikliklərlə bağlı mpnitorinq aparıb və bu nəticəyə gəlib ki, Britaniya funtu istisna olmaqla bütün valyutalar devalvasiyaya məruz qalıb.
Bu valyutalar arasında ABŞ prezidentinin açıqlamalarından ən çox ucuzlaşan Meksika milli valyutası olub-12,3%. Ən az devalvasiya olan pul vahidi isə bizim hazırladığımız cədvəldə Qazaxıstan tengesi olub-1,47%.
Britaniya funtunun bahalaşmasına səbəb "Brexit"dən sonra bu valyutanın dollarla müqayisədə 20%-dək ucuzlaşması göstərilir.
"Report"un analitik qrupu dolalrda möhkəmlənmənin ilin sonuna qədər davam edəcəyini proqnozlaşdırır.
