"Mançester Yunayted" futbol klubunun rəhbərliyi azarkeşə 3 il müddətinə "Old Trafford"a girişi qadağan edib.
Publika.az xəbər verir ki, o, Avropa Liqasının qrup mərhələsində baş tutan "Mançester Y" - "Fənərbağça" (4:1) matçına biletləri "qara bazar”dan satmağa cəhd göstərdiyi üçün bu cəzanı alıb. "Mankunianlar" mövsümün əvvəlində oyunlara biletlərin təkrar satışına 3 illik qadağa qoymuşdu.
Məlumata görə, İngiltərədə biletlərin bu cür satışını tam aradan qaldırmaq üçün yeni layihə hazırlanır.