Taxta, dəmir və müxtəlif materiallardan, habelə fərqli görünüşlərdə əsalar...
40 il ərzində Naftalana şəfa tapmaq üçün gələnlər əsalarını yadigar qoyub gedirlər.
Milli.Az xezerxeber.com-a istinadən bildirir ki, qeyri-adi müzeyin yaranmasına səbəb olan əsalar 20 ölkədən olan pasientlərə məxsusdur. Ötən əsrin 80-ci illərində yaradılmş müzey Naftalanın şəfa şəhəri olmasına da dəlalət edir.
Müxtəlif görünüşlü, rəngli əsalarla yanaşı burada minə yaxın məktub da saxlanır.
Naftalan neftindən istifadə edərək şəfa tapanlar sağlamlıqlarına qovuşduqları şəhəri unutmadıqlarını belə sübut edirlər.
Müzeyə sonuncu əsa 2 il öncə təqdim edilib. Hazırda Naftalan Tarix-Diyarşünaslıq Muzeyinində toplanan əsaların gələcəkdə inşa ediləcək yeni müasir binaya köçürülməsi planlaşdırlır.
Ölkədə bir ilk olan "Əsalar müzeyi" həm yerli, həmdə xarici turistlərin diqqətini çəkir.
Milli.Az
