Ələm gəzdirməyin və ya ələm düzəldib məscidlərə asmağın İslam dini ilə heç bir əlaqəsi yoxdur. Nə Peyğəmbər (ona Allahın salavatı və salamı olsun), nə səhabələri və onlardan sonra gələnlər ələm gəzdirməyiblər. Dinimizə görə Uca Allahın və Onun elçisi Muhəmmədin (Ona və ailəsinə Allahın salavatı və salamı olsun) dində buyurmadığı əməlləri etmək dindən hesab edilmir və buna bidət deyilir. Bidət sözünün mənası icad etmək deməkdir. Hər hansı bir ibadət növünü icad edərək dinə daxil etmək böyük günahdır.
Milli.Az zikr.az-a istinadən bildirir ki,ələmi insanlar dəmirdən düzəldirlər, əl ilə düzəldilən şeyə müqəddəs adı vermək Peyğəmbərin (ona Allahın salavatı və salamı olsun) tutduğu yol deyil. Ələmin guya harasa getməsi isə şeytanın vəsvəsəsi ilə əlaqəli şeydir və dinlə bağlılığı yoxdur.
Milli.Az
