100 yaşlı şeyxin başını kəsdilər - FOTO

100 yaşlı şeyxin başını kəsdilər - FOTO
07:13 20 Noyabr 2016
435 Dünya
Ölkə mətbuatı
A- A+

Misirin Sinay yarımadasında fəaliyyət göstərən “Vilayəti Sina” qruplaşmasının üzvləri tanınmış sufi şeyxi Süleyman Əbu Hərrazı edam ediblər.

Publika.az TASS-a istinadən xəbər verir ki, terrorçular yaşı 100-dən çox olan şeyxi Əl-Əriş şəhərindəki evinin qarşısına çıxarıblar və dizi üstə çökdürərək başını kəsiblər.

“Əl-Ərəbiyyə” telekanalı edam səhnəsinin əks olunduğu bəzi şəkilləri yayımlayıb.

Bölgədə sufizm təriqətinin rəmzi hesab edilən Süleyman Əbu Hərraz Sinay yarımadasında böyük nüfuza malik dini rəhbər olub.

Qeyd edək ki, Şimali Sinay bölgəsində baş verən terror aktlarının əksəriyyətini “Vilayəti Sina” qruplaşması törədib. “Vilayəti Sina” üzvləri 2014-cü ildə İŞİD lideri Əbu Bəkr Əl-Bağdadiyə sədaqət andı içərək, qruplaşmanı İŞİD-in Misirdəki qolu elan ediblər.



Xəbərin orijinal ünvanı: http://publika.az/news/dunya/176619.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR