[ 06 Yanvar 2015 06:51 ]
Bakı – APA. Braziliyanın Rio de Janeyro ştatında iki sərnişin qatarının toqquşması nəticəsində 70 nəfər xəsarət alıb.
APA-nın RİA Novosti agentliyinə istinadən verdiyi məlumata görə, qəza Meskita şəhərində qeydə alınıb.
İlkin məlumata görə, sərnişin qatarı stansiyada dayanmış digər qatara arxadan çırpılıb. Hadisə yerinə çoxlu sayda təcilli yardım briqadaları cəlb edilib. Faktla bağlı araşdırma aparılır.
