Bakı-Qazax magistral yolunun Goranboy rayonu ərazisindən keçən hissəsində ağır yol qəzası baş verib.
APA-nın qərb bürosunun verdiyi məlumata görə, hadisə rayonun Dəliməmmədli qəsəbəsi ərazisində qeydə alınıb.
“KamAZ” markalı yük maşınının sürücüsü idarəetməni itirib və avtomobil yolun kənarında dayanan “Mercedes”-ə çırpılıb.
İlkin məlumata əsasən, qəza nəticəsində minik avtomobilinin sürücüsü ölüb, maşında olan 3 sərnişin xəsarət alıb. Qəzanın təfərrüatları müəyyənləşdirilir.
Faktla bağlı Baş Dövlət Yol Polisi İdarəsində araşdırma aparılır.