Bakı-Qazax magistral yolunun Goranboy rayonu ərazisindən keçən hissəsində ağır yol qəzası baş verib.
Publika.az xəbər verir ki, hadisə rayonun Dəliməmmədli qəsəbəsi ərazisində qeydə alınıb.
“KamAZ” markalı yük maşını hərəkət zolağında dayanan “Mercedes”-ə çırpılıb. Toqquşmadan sonra "Mercedes" yanıb.
İlkin məlumata əsasən, qəza nəticəsində minik avtomobilinin sürücüsü ölüb, maşında olan 3 sərnişin xəsarət alıb. Qəzanın təfərrüatları müəyyənləşdirilir.
Faktla bağlı Baş Dövlət Yol Polisi İdarəsində araşdırma
aparılır. 
