Bərdə rayonunda baş verən yanğında xəsarət alan şəxs xəstəxanada ölüb.
Milli.Az APA-ya istinadən bildirir ki, noyabrın 17-də yanıq xəsarət ilə Respublika Yanıq Mərkəzinə daxil olan Oqtay Quliyev aldığı xəsarətdən xəstəxanada keçinib.
Qeyd edək ki, hadisə Bərdənin Hüseynbəyli kəndində qeydə alınıb. Kənd sakini Oqtay Quliyev və həyat yoldaşı Ziyafət lampa ilə ehtiyatsız davranmaları nəticəsində aldıqları yanıq xəsarəti ilə xəstəxanaya yerləşdiriliblər.
Faktla bağlı araşdırma aparılır.
Milli.Az
