Yaponiyanın Fukuşima prefekturasının sahillərində güclü zəlzələ olub.
Episentri 10 km dərinlikdə olan zəlzələnin gücü Rixter şkalası ilə 7,4 bal olub.
Milli.Az Yomiuri-yə istinadən bildirir ki, yeraltı təkanları ölkənin mərkəzi və şimal-şərq bölgələrindəki 20 prefekturanın sakinləri hiss ediblər.
Sunami təhlükəsi elan olunub. Dalğaların hündürlüyünün 1 metr olacağı təxminqlənsə də, rəsmi Tokio 2011-ci ildəki fəlakəti unutmayaraq Miyaqi, İbaraki, Aomori, İvate və Tiba prefekturalarının sakinlərinə sahildən uzaqlaşmağı, hündür yerlərə qalxmağı məsləhət biliblər.
Hazırda Yaponiyadakı atom-elektrik stansiyaları, o cümlədən qəzalı vəziyyətdə olan "Fukuşima-1"in vəziyyəti yoxlanılır. AES-lərin operatoru olan TEPCO-dan verilən məlumata görə, stansiyalarda problemli vəziyyət qeydə alınmayıb.
Milli.Az