Lənkəran şəhərində ahıl ər-arvadın evlərində meyiti aşkarlanıb.
Xəbərə görə, hadisə şəhərin Şəhidlər xiyabanı 10 ünvanında qeydə alınıb.
Həmin ünvanda yaşayan 1939-cu il təvəllüdlü Aydın Mirzəli oğlu Allahverdiyev və onun həyat yoldaşı 1941-ci il təvəllüdlü Azadə Rəcəb qızı Allahverdiyevanın meyiti bu gün saat 13.00 radələrində tapılıb.
Ölümün səbəbləri hələlik məlum deyil. Onların hər iksinin ağzından qan axdığı bildirilir.
Meyitlər müayinə üçün morqa aparılacaq.
Hüquq-mühafizə orqanlarının əməkdaşları hadisə yerində araşdırma aparır. (Apa)
