Ağsuda 4 nəfəri bıçaqlayan iki qardaş tutuldu

Ağsuda 4 nəfəri bıçaqlayan iki qardaş tutuldu
11:27 23 Noyabr 2016
93 Ölkə
Ölkə mətbuatı
A- A+

Ağsu rayonunda kütləvi dava zamanı 4 nəfəri bıçaqlayan şəxslərin kimliyi məlum olub.

Milli.Az APA-ya istinadən xəbər verir ki, hadisə ötən axşam rayonun Rəhimli kəndində keçirilən mərasimdə qeydə alınıb.

Ağarx kənd sakinləri - 1984-cü il Vəliyev Mansur İrzaxan oğlu və qardaşı 1989-cu il təvəllüdlü Vəliyev Vəli İrzaxan oğlu şəxsi münasibətlər zəminində aralarında baş verən dava zamanı Rəhimli kənd sakinləri - 1993-cü il təvəllüdlü Bəhramov Elvin Oqtay oğlunu, 1991-ci il təvəllüdlü Heybətov Elvin Şahvələd oğlunu, 1988-ci il təvəllüdlü Mikayılov İntiqam Abdul oğlunu və 1978-ci il təvəllüdlü Əliyev İsrafil Kiçikağa oğlunu bıçaqlayıblar.
 
Hadisə yerindən qaçıb gizlənən qardaşlar polis əməkdaşları tərəfindən keçirilən əməliyyat-axtarış tədbirləri zamanı tapılaraq istintaqa təhvil veriliblər.

Xatırladaq ki, ötən gün axşam Ağsu rayonunda kütləvi dava zamanı 4 nəfər bıçaqlandığı haqda məlumat vermişdik.

Milli.Az


Xəbərin orijinal ünvanı: http://news.milli.az/country/492157.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR