Premyer Liqanın son turunda "Neftçi" üzərində qələbə qazanan "Sumqayıt" 2 günlük istirahəti başa vurub. Fanat.Az klubun saytına istinadən xəbər verir ki, Samir Abasovun rəhbərlik etdiyi kollektiv bu gün "Kapital Bank Arena"da AZAL-la qarşılaşmanın hazırlığına start verib.
Son oyunda zədə almış Rail Məlikov və U-21 millisindən zədəli qayıdan Yusif Nəbiyev kollektivdən ayrı çalışıb. "Sumqayıt" FK-nın növbəti məşqi noyabrın 24-də saat 11-də olacaq.
Qeyd edək edək ki, Premyer Liqanın 13-cü turunda AZAL Arenada baş tutacaq AZAL - "Sumqayıt" oyunu noyabrın 27-də saat 16:00-da keçiriləcək.
Fanat.Az