İngiltərədə 5 aylıq hamilə olan Ces Strachan adlı qadının başına faciəvi hadisə gəlib.
Axşam.az-ın xarici KİV-ə istinadən məlumatına görə, Ces saçını boyamaq qərarına gəlib. Bu zaman boya alergik reaksiya verib və qadının üzü şişməyə başlayıb. Başı iki dəfəyədək böyüyən Strachanın üz nahiyəsində o qədər şiş olub ki, gözlərini belə aça bilməyib.
Dərhal təcili yardıma zəng vuran Ces xəstəxanaya çatdırılıb. Həkimlərin köməkliyi ilə o və övladı son anda ölümdən qurtulub.
Tibb işçilərinin sözlərinə görə, reaksiya xaricə deyil, daxilə təsir etsəydi, o zaman ana da, uşaq da öləcəkdi.
