Ölkə çempionu “Qarabağ” növbəti oyununa çıxır. Fanat.Az xəbər verir ki, Ağdam klubu bu gün Avropa Liqasının qrup mərhələsinin V turu çərçivəsində “Slovan”ın qonağı olacaq.
Çexiyada baş tutacaq matç Qurban Qurbanovun rəhbərlik etdiyi kollektiv üçün tarixi əhəmiyyət daşıyır. Belə ki, komandamız qalib gələcəyi təqdirdə, qitə miqyaslı turnirdə 1/16 finala vəsiqə qazanan ilk təmsilçimiz olacaq.
Səfərdə əldə ediləcək 1 xal da “Qarabağ” üçün yetərli ola bilər. Bunun üçün J qrupunun digər matçında PAOK İtaliyada “Fiorentina”nı məğlub etməməlidir.
Avropa Liqası, Qrup mərhələsi
V tur, 24 noyabr
J qrupu
22:00. “Slovan” (Liberets, Çexiya) – “Qarabağ” (Azərbaycan)
Hakimlər: Stefan Yohanesson, Fredrik Nilsson, Mehmet Culum, Maqnus Syöblom
Əlavə köməkçi hakimlər: Andres Ekberq, Kristofer Karlsson (hamısı İsveç)
Hakim-inspektor: Stefano Podesçi (San-Marino)
UEFA nümayəndəsi: Roy Ketkart (Şimali İrlandiya)
Liberets. “U Nişi” stadionu
1 “Fiorentina” (İtaliya) 4 3 1 0 11-2 10
2 “Qarabağ” (Azərbaycan) 4 2 1 1 6-7 7
3 PAOK (Yunanıstan) 4 1 2 1 2-4 4
4 “Slovan” (Çexiya) 4 0 1 3 4-10 1