İsveçin "Helsinborq" klubunu çalışdıran Henrik Larsson istefa verib. Fanat.Az xəbər verir ki, buna səbəb azarkeşlərin hərəkəti olub.
Hadisə "Helsinborq"un "Halmştad"a yenilərək aşağı liqaya düşdüyü oyundan sonra baş verib. Matç başa çatan kimi meydana daxil olan fanatlar Henrik Larssona və "Helsinborq"da oynayan 19 yaşlı oğlu Cordana hücum edib.
Hıücum zamanı Larsson sifətindən xəsarət alıb. Bu hadisənin qəbul edilməz olduğunu bildirən 45 yaşlı mütəxəssis istefa verib.
Qeyd edək ki, Larsson futbolçu karyerası ərzində "Feyenoord", "Seltik", "Barselona" kimi klublarda çıxış edib, İsveç millisində keçirdiyi 106 oyunda 37 qol vurub.
Fanat.Az