Bakı. 24 noyabr. REPORT.AZ/ Bu gün futbol üzrə Avropa Liqasında V turun oyunlarına start verilib.
"Report"un məlumatına görə, "Qəbələ"nin ardından Azərbaycanı turnirdə təmsil edən "Qarabağ" da səfərdə "Slovan" ilə oyuna çıxıb. Hazırda matçda hesab açılmayıb.
Qurban Qurbanovun rəhbərlik etdiyi komanda səfərdən qələbə ilə dönəcəyi təqdirdə bu qrupdan növbəti mərhələyə "Fiorentina" və "Qarabağ" yüksələcək. Ağdam klubu "play-off"a heç-heçə sayəsində də çıxa bilər. Bunun üçün PAOK-un" Fiorentina" ilə səfər matçında qalib gəlməməsi lazımdır. "Qarabağ" bunadək 2 mövsümdə qrupda iştirak etsə də, 1/16 finala çıxmaq şansını son turda əldən verib.
