Avropa Liqasının qrup mərhələsi çərçivəsində keçirilmiş "Qəbələ" - "Anderlext" oyunundan sonra qonaqların baş məşqçisi Rene Vayler mətbuat konfransında jurnalistlərin suallarını cavablandırıb. Fanat.Az xəbər verir ki, o, bunları söyləyib:
- Matça yaxşı hazırlaşmışdıq. Qalib gəlmək üçün əlimizdən gələni etdik. Oyuna hazır idik. Rəqibin ölkə çempionatında çətin matçları olmuşdu. Bizim üçün də ağır görüş oldu. Qalib gəldiyimizə görə şadam.
- Buraxılan qolda qapıçınızın səhvi var...
- Yeni və gənc futbolçudu. Qolun buraxılmasında onun təcrübəsizliyi rol oynadı.
- Növbəti oyunlarda bu qapıçını meydana buraxacaqsınız?
- Bizim başqa qapıçılarımız da var. Gələcəkdə digərləri də çıxış edə bilər.
- Əvvəlki matçlardan sonra tənqidlər olmuşdu...
- Mən belə şeylərə fikir vermirəm. Gələcəkdə də qalib gəlmək üçün çalışacağıq.
- Matçda Anni və Stançu çətinlik çəkirdi.
- Bütün oyunlarda çıalışırıq. Bu görüşə də hazır idik. Çətinlik olsa da, nəticə əldə edilib.
- "Qəbələ"yə qarşı oyun necə qurulmuşdu?
- Oyuçularımızın əksəriyyəti cavandı. Səhvlər olur. Amma yüksək nəticə göstərməyə çalışırıq və bu dəfə də nəticə qazandıq.