Ekspertlər “WhatsApp” istifadəçilərinə yeni hücum haqda xəbərdarlıq ediblər

Ekspertlər “WhatsApp” istifadəçilərinə yeni hücum haqda xəbərdarlıq ediblər
13:35 25 Noyabr 2016
Ölkə mətbuatı
A- A+

Hakerlər “Emirates” şirkətinin reyslərinə pulsuz biletlər söz verərək fərdi informasiyanı toplayırlar. İstifadəçiyə “Emirates” şirkəti ilə uçuşlar təcrübəsi haqda bir neçə suala cavab vermək və anketi 10 “WhatsApp” istifadəçisi ilə bölüşmək təklif edilir.

“ICTnews” Elektron Xəbər Xidməti gazeta.ru saytına istinadən yazır ki, şərtləri yerinə yetirdikdə "uduş"a görə təbrik edilir və "mükafat"ın rəsmiləşdirilməsi üçün aviaşirkətin saytına keçmək təklif olunur. Reallıqda isə istinad kənar saytadır və istifadəçi "təşkilatçılarla əlaqə yaratmaq üçün" mobil telefonunun nömrəsini qeyd etməlidir. Nömrə bahalı SMS xidmətlərə abunə üçün istifadə ediləcək.

Ekspertlər ingilis, alman, ispan və portuqal dillərində spam göndərmələr və müvafiq saytlar aşkar ediblər.
İstifadəçilərə “WhatsApp” messencerində spama məhəl qoymamaq, belə "aksiyalarda" iştirak etməmək və şübhəli saytlarda fərdi informasiyanı daxil etməmək tövsiyə edilir.

Emil Hüseynov



Xəbərin orijinal ünvanı: http://ictnews.az/read-44556-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR