Bakı. 25 noyabr. REPORT.AZ/ Avropa Yenidənqurma və İnkişaf Bankı (EBRD) Şimal-Cənub beynəlxalq nəqliyyat dəhlizinin yaradılması layihəsini maliyyələşdirməyə hazır olduğunu bildirib.
"Report"un məlumatına görə, bunu Bakıda keçirilən biznes-forumda çıxış edən EBRD-nin Azərbaycandakı nümayəndəliyinin rəhbəri İvana Duarte bildirib.
Onun sözlərinə görə, Bank Azərbaycan, Rusiya, Qazaxıstan, Belarus və digər ölkələrdə nəqliyyat layihələrini fəal şəkildə maliyyələşdirir.
"Şimal-Cənub layihəsinə gəlincə, bütün layihəni maliyyələşdirmək əlbbəttə ki, çətindir. Amma müəyyən hissələrinə maliyyə ayırmaq mümkündür", - deyə İ.Duarte bildirib.