ABŞ-da Viskonsin ştatında seçici səslərinin yenidən
sayılacaq.
Publika.az xəbər verir ki, Yaşıllar Partiyasından olan
namizəd Jill Steyn Donald Trampın qazandığı Viskonsin ştatında
səslərin yenidən sayılması üçün Seçki Komissiyasına müraciət
edib.
Komissiyanın açıqlamasında bildirilir ki, müraciət edildikdən sonra
ştatda səslərin yenidən sayılması üçün lazımi hazırlıqlar
aparılır.
Donald Tramp Vinsontində 1 milyon 404 min, Hillari Klinton isə 1
milyon 381 min 823 səs almışdı.
Qeyd edək ki, bundan əvvəl Donald Trampa səs verəcək Seçicilər
Kollegiyasının 6 nümayəndəsi mövqelərini dəyişmişdi.
Viskonsində səslərin yenidən sayılması 2000-ci il seçkilərini
xatırladır. Həmin seçkidə demorkatların namizədi Albert Qor öndə
olsa da, respublikaçıların namizədi Corc Buş məhz Florida ştatında
səslərin yenidən sayılması ilə qələbə çaldı.
Bununla yanaşı, Viskonsində səslərin yenidən sayılması ilk olaraq
rəsmi nəticələrin dəyişməsinə gətirib çıxara bilər. Həmçinin, bu,
digər ştatlarda da səslərin yenidən sayılması məsələsini gündəmə
gətirə bilər.
Əgər Viskonsində səslər yenidən sayılarsa və nəticə Trampın
əleyhinə olarsa, o, Seçicilər Kollegiyasının bu ştatdan olan 10
nümayəndənin səsini itirmiş olacaq. Ümumilikdə Tramp Seçicilər
Kollegiyasının 16 səsindən məhrum olacaq. Seçkidə respublikaçıların
namizədi Seçicilər Kollegiyasının 276 səsini toplamışdı. 16 üzvün
səsinin ləğv olunması, onun səslərini 260-a endirir. Halbuki,
prezident olmaq üçün Seçicilər Kollegiyasının 538 nümayəndəsindən
270-ni qazanmalıdır.
Belə görünür ki, Trampın prezident olmasına ciddi əngəllər
yaradılır.
Asif
