Bakı. 26 noyabr. REPORT.AZ/ Kuba barəsində embarqo qəti olaraq ləğv olunmalıdır.
"Report" "TASS"a istinadən xəbər verir ki, bu barədə Fransanın prezidenti Fransua Olland bildirib.
"Fidel Kastronun vəfatı ilə əlaqədar bir daha israrla vurğulayıram ki, bu embarqo Kubaya zərər vurur, ona görə də ləğv olunmalıdır. Kuba üçün gələcək perspektivlər təmin edilməli,bu ölkə ilə ticari mübadilə üçün zəruri şərait yaradılmalıdır, o zaman Kuba beynəlxalq ictimaiyyətin tamhüquqlu üzvü olacaq", - Fransua Olland qeyd edib. O əlavə edib ki, "Fransa hər zaman Kubaya həqiqi tərəfdaş kimi yanaşıb".
