İki aylıq körpə kor oldu - Azərbaycanda yeni həkim səhlənkarlığı - VİDEO

İki aylıq körpə kor oldu - Azərbaycanda yeni həkim səhlənkarlığı - VİDEO
20:47 26 Noyabr 2016
858 Ölkə
Ölkə mətbuatı
A- A+

İki ay əvvəl dünyaya göz açmış körpə dünya işığından məhrum qalıb.

Milli.Az xezerxeber.com-a istinadən bildirir ki, valideynləri buna səbəb kimi doğuş həkiminin səhlənkarlığını göstərirlər. Çünki uşağın aparıldığı həkimlər gözün korluğunu doğuş zamanı aldığı travma ilə əlaqələndirirlər.

Maraqlısı budur ki, uşağın valideynləri doğuşdan sonra körpənin gözündə qızartı hiss ediblər və bu barədə doğuş həkiminə məlumat veriblər. Həkim isə bunun adi infeksiya olduğunu və narahatlığa əsas olmadığını deyib.

Uşağın anası Cəlilabad rayon sakini Şərqiyyə Vəliyevanın doğuşu Sabunçu rayonunda yerləşən 3 saylı şəhər klinikasında baş tutub. Doğuşu həyata keçirən Zülfiyyə həkimlə əlaqə saxladıq. O, doğuş zamanı körpənin travma almaq ehtimalının olmadığını dedi. Onun sözlərinə görə, əgər uşağı kor edə biləcək qədər ağır travma olsaydı, körpədə bunun əlamətləri kəskin şəkildə özünü biruzə verərdi.

Həkim uşağın öz hesabına təkrar müayinədən keçirilməsinə belə razı olduğunu deyir və problemin həkim səhlənkarlığından qaynaqlanmaması israr edir.  

Milli.Az


Xəbərin orijinal ünvanı: http://news.milli.az/society/493446.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR