Bakı. 27 noyabr. REPORT.AZ/ "Gərgin oyun alındı. Sadəcə olaraq, "Kəpəz” əlinə düşən qol imkanlarından istifadə etdi, biz edə bilmədik. Ona görə də məğlub olduq".
"Report" xəbər verir ki, bu sözləri "Neftçi” PFK-nın baş məşqçisi Elxan Abdullayev Azərbaycan Premyer Liqasının XIII turunun "Kəpəz” klubu ilə oyunundan sonra bildirib.
"Hələ çox oyun var, mövsümün yarısı qarşıdadır. Mükafatçılar sırasına düşmək çətin görsənir, amma avrokuboklara vəsiqə qazanmaq uğrunda mübarizə aparacağıq”, - deyə o əlavə edib.
