Əməkdar artist Natik Şirinov sənət adamlarını tənqid edib.
Axşam.az-ın məlumatına görə, nağara ifaçısı “ATV maqazin onlarla” verilişinə açıqlamasında bildirib ki, bəziləri özünü evi, maşını ilə reklam edib, gündəmə gəlir:
“Maşınlarını, evlərini reklam etmək nəyə lazımdır? Nəyim varsa, özüm üçündür. Çox insan var ki, hansısa müğənninin paylaşdığı maşından arzulayır. Bilsələr ki, paylaşımları ilə nə qədər insanın ürəyinə dağ çəkirlər, bir də etməzlər. Bunları kənara qoyub, sənətlə məşğul olmaq lazımdır. Efir güzgüdür, insanlar bizə baxıb, nələrsə öyrənmək istəyir".
