Lənkəranda FACİƏ: 1-ci sinif şagirdi dərsdə dünyasını dəyişdi

Lənkəranda FACİƏ: 1-ci sinif şagirdi dərsdə dünyasını dəyişdi
23:33 28 Noyabr 2016
162 Ölkə
Ölkə mətbuatı
A- A+

Noyabrın 28-i günorta saatlarında Lənkəran şəhərində 7 yaşlı məktəbli dünyasını dəyişib.

Publika.az xəbər verir ki, Lənkəran Şəhər 7 saylı tam orta məktəbin 1-ci sinif şagirdi Ağayeva Xədicə Ramin qızı dərs zamanı özünü pis hiss etməyə başlayıb və əyləşdiyi partanın arxasında huşunu itirib.

Məktəbə çağırılan "təcili yardım" həkimlərinin ilkin müdaxiləsindən sonra qız Lənkəran Rayon Mərkəzi Xəstəxanasına aparılıb. O, qan qusduğundan dərhal Reanimasiya şöbəsinə yerləşdirilib. Həkimlərin səyinə baxmayaraq, X.Ağayevanın həyatını xilas etmək mümkün olmayıb.

Qeyd edək ki, X.Ağayeva ailənin tək övladı olub və anası həmin məktəbdə müəllimə işləyir. Son zamanlar uşağın səhhətində problemlər yaransa da, xəstəliyinə dəqiq diaqnoz qoyulmayıb. (Report)

RƏYLƏR

BU KATEQORİYADAN DİGƏR XƏBƏRLƏR