“Ukrayna qışın sonuna kimi dağılacaq” – ŞOK PROQNOZ

“Ukrayna qışın sonuna kimi dağılacaq” – ŞOK PROQNOZ
13:53 29 Noyabr 2016
242 Dünya
Ölkə mətbuatı
A- A+

“Qışın sonuna kimi Minsk razılaşmalarını yerinə yetirməsə, Ukrayna dağılacaq”.

Publika.az “RİA-Novosti” agentliyinə istinadən xəbər verir ki, bunu “Luqansk Xalq Respublikası” (“LXR”) separatçı qurumun lideri İqor Plotnitski mətbuat konfransında deyib.

“Əgər Poroşenko qışın sonun akimi Minsk razılaşmalarını yerinə yetirməsə, deməli razılaşmaları növbəti prezident yerinə yetirəcək. Əks halda Ukrayna dağılacaq və yaranacaq xalq respublikalarını saymaq çətin olacaq”, - İqor bildirib.

“LXR”in lideri əlavə edib ki, Kiyev Donbasda münaqişənin sülh yolu ilə həllində maraqlı deyil: “Ukrayna Donbas üçün öldü. Artıq heç bir Ukrayna olmayacaq. Əvvəllər real olanların hamısı öldü”.

Daha əvvəl “Donetsk Xalq Respublikası”nın başçısı Aleksandr Zaxarçenko bildirib ki, Donbasdakı qarşıdurma gec-tez qələbə ilə bitəcək. “Mən əminəm ki, öz qələbəmizi birlikdə qeyd edəcəyik. Bu, Varşavada, Berlində, Nyu-Yorkda olacaq”, - deyə Zaxarçenko vurğulayıb.

Ömər Dağlı


Xəbərin orijinal ünvanı: http://publika.az/news/dunya/177789.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR