Müğənni Xatirə İslam toyu ilə bağlı etiraf edib.
Axşam.az-ın məlumatına görə, sənətçi "Hər şey daxil" verilişində bildirib ki, ərə gedəndə həyat yoldaşı onun üçün istədiyi bütün qızılları alıb:
"Hazırda nişan üzüyüm barmağımdadır. Xoşlayıram ki, bir dənə, amma yaxşısı olsun. Ərə gedəndə bəydən heç nə tələb etmədim. Qızıl baxımından nə seçdimsə, yoldaşım aldı.
Toydan sonra isə 1 il işləyib onun pulunu ödədi. Toyda qayda-qanunla hər şey etdi. Almalıydı, sonra necə ödəmək onun problemidir. Xanım dostları və həyat yoldaşı tərəfindən qiymətləndirilməlidir. Yalandan niyə deyim ki, yoldaşım mənə gündə bir qızıl alır. Xeyr, toyda aldı, vəssalam. Bir də ad günümdə bir dəfə boyunbağı alıb.
Dostlarımızın məclislərinə təmənnasız gedib oxuyuruq. Sonra isə onlar bizə kiçik qızıl hədiyyələri ilə təşəkkür edirlər".
Milli.Az 
