Təyyarə qəzasına düşən Braziliyanın "Şapekoense" klubu son illər uğurlu çıxışı ilə diqqəti çəkib. Fanat.Az xəbər verir ki, komanda 5 il ərzində D Seriyasından A Seriyasına yüksəlib.
2009-cu ildə D Seriyasına çıxan "Şapekoense" 2012-də artıq C Seriyasında mübarizə aparırdı. 2013-cü ildə B, 2014-də A Seriyasına yüksələn komanda bu il "Copa Sudamericana"nın finalına çıxmışdı.
Qeyd edək ki, "Neftçi"nin sabiq kapitanı Flavinyonun ötən il forma geyindiyi klubda qəzayadək Azərbaycanda oynamış iki futbolçu oynayırdı. Bunlardan biri - Tyeqo de Xesus 2013/14 və 2014/15 mövsümlərinin bir hissəsində "Xəzər Lənkəran"da forma geyinib (33 oyun, 2 qol). Digəri - Filipe Maşado isə 2010-2011-ci illərdə Bakı "İnter"ində top qovub (11 oyun). Hər iki futbolçunun qəzada öldüyü bildirilir.
Fanat.Az