Bakı. 29 noyabr. REPORT.AZ/ Əfqanıstan ordusuna məxsus hərbi helikopter ölkənin şimal-qərbində yerləşən Badğis vilayətində qəzaya uğrayıb.
"Report" RİA "Novosti"yə istinadən xəbər verir ki, helikopterin göyərtəsində Badğis və Herat vilayətindən olan yüksək rütbəli məmurlar olub.
Əfqanıstan Müdafiə Nazirliyinin məlumatına görə, helikopter Əfqanıstan Milli Ordusunun bazasında eniş zamanı qəzaya uğrayıb. Qəza nəticəsində general Muhayuddin Ghori aldığı xəsarətlərdən keçinib.
Hadisə zamanı helikopterin göyərtəsində 11 nəfər olub, onlardan 5-i müxtəlif dərəcəli xəsarətlər alıb.