Azərbaycanlı müğənni Yaşar Yusub ifa etdiyi “Adı gizli qalsın” adlı mahnıya çəkilmiş klipi mediaya təqdim edib. Lent.az-ın məlumatına görə, jurnalistləri başına cəm edən ifaçı bildirib ki, bu gün kliplə yanaşı, ikinci albomunu təqdim edir: “Bu gün təqdim etdiyim “Adı gizli qalsın” adlı bəstənin sözləri aparıcı Cavid Gülə, musiqisi isə özümə məxsusdur. Qəbələdə ekranlaşdırılan klipin rejissorluğunu Kamal Həsənov etdi. Bu layihənin ərsəyə gəlməsində aparıcı Cavid Gülə təşəkkürümü bildirirəm. Kliplə yanaşı 13 mahnıdan ibarət yeni albomumu da bu gün izlərə təqdim edirəm. Düşünürəm ki, bəyəniləcək.
Qeyd edək ki, tədbirdə müğənnilərdən Kərim Abbasov, Emil Bədəlov, Vüsal Hacıyev, Hacı Nazim Məmmədov, Nicat Rəhimov, aparıcılar Cavid Gül, Şəhriyyar Əbilov da iştirak edirdi.
Fotolar Ramin Aslanova məxsusdur
