“1200 nəfərdən çox şəxs vergi orqanlarına işə götürülüb”

“1200 nəfərdən çox şəxs vergi orqanlarına işə götürülüb”
11:28 30 Noyabr 2016
Ölkə mətbuatı
A- A+

Bu gün Bakıda Avropa İttifaqının (Aİ) Qonşuluq Siyasəti çərçivəsində “İnsan resurslarının inkişafı sahəsində Azərbaycan Respublikasının Vergilər Nazirliyinə dəstək” Tvinninq Layihəsinin yekunları ilə bağlı təqdimat mərasimi keçirilib.

Publika.az-ın məlumatına görə, tədbirdə vergilər nazirinin müavini Sahib Ələkbərov çıxış edib.

O deyib ki, Azərbaycanda 2005-ci ildən vergi orqanlarına işə qəbul müsabiqə yolu ilə həyata keçirilir və bu müddət ərzində 1 200 nəfərdən çox şəxs işə götürülüb. S.Ələkbərovun qeyd edib ki, hazırda Nazirlik əməkdaşlarının 50%-dən çoxu bu üsulla işə qəbul edilib.

Daha sonra çıxış edən Avropa İttifaqının Azərbaycandakı deleqasiyasının nümayəndəsi Jeron Uillems bildirib ki, Tvinninq Layihəsinin icrası müddətində 30 dövlət qurumu bu layihədən yararlanıb: “Əsasən də qadınların layihə çərçivəsində aktivliyi yüksəlib”.

Fransa səfirinin müavini xanım Fabyen Droyt Lozinski isə deyib ki, gələn ildə ikinci Tvinninq Layihəsinə start veriləcək: “İspaniyanın müvafiq agentliyi ilə birlikdə biz Azərbaycanda ikinci Tvinninq Layihəsinin reallaşdırılmasına hazırıq”.

İqtisadiyyat şöbəsi


Xəbərin orijinal ünvanı: http://publika.az/news/gundem/177923.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR