Bakı. 30 noyabr. REPORT.AZ/ Rusiya və Ermənistan arasında iki ölkə qoşunlarının birləşmiş qruplarının yaradılması haqda razılaşma imzalanıb.
“Report” TASS-a istinadən xəbər verir ki, sənədi Rusiyanın müdafiə naziri Sergey Şoyqu ilə ermənistanlı həmkarı Vigen Sarkisyan imzalayıb.
İnformasiyaya görə, nazirlər 2017-ci ildə hərbi sahədə əməkdaşlığa dair planı da təsdiqləyiblər.
Qeyd edək ki, Rusiya prezidenti Vladimir Putin noyabrın 14-də Rusiya və Ermənistan qoşunlarının birləşmiş qruplarının yaradılması haqqında sazişi təsdiqləyib.
