Zəlzələ yeraltı zərbələr və yerin üst qatının
titrəməsidir. Bu həm tektonik proseslərlə müşayiət olunan təbii
olaraq, həm də partlayış, su bəndlərinin doldurulması, dağlarda
yeraltı sürüşmələrlə müşayiət olunan süni olaraq baş
verir.
Azərbaycan da öz mövcudluğu dövründə çoxsaylı insan tələfatı və
dağıntılarla müşayiət olunan zəlzələlər görüb.
Məsələn, 1139-cu ildə sentyabrın 30-da baş vermiş 9 ballıq zəlzələ zamanı Gəncə şəhəri dağılıb, çox sayda insan həlak olub.
Zəlzələ nəticəsində Kəpəz dağının bir hissəsi uçaraq Ağsu çayının qabağını kəsib və təbii gözəlliyi ilə fərqlənən Göygöl gölü yaranıb. Bu zəlzələ haqqında Nizami Gəncəvi "İqbalnamə"sində yazıb.
Şamaxı şəhəri də çoxsaylı zəlzələlərə məruz qalıb. Hətta təbii
fəlakətə görə şəhərin yeri də dəyişdirilib. Vətənimizdə baş vermiş
ən dəhşətli zəlzələlər barədə Sputnik-in hazırladığı infoqrafikadan
ətraflı məlumat əldə edə bilərsiniz.