Azərbaycan şirkəti "Bursaspor"un ev oyunlarını keçirdiyi stadionun ad sponsoru ola bilər. Fanat.Az xəbər verir ki, bu barədə klubun vitse-prezidenti Ali Ademoğlu məlumat verib.
"Bursaspor" rəsmisi bildirib ki, Qətər və Azərbaycan şirkətlərindən təklif alıblar: "Oyunlarımızı keçirdiyimiz Bursa Böyükşəhər Bələdiyyə stadionun ad haqqı üçün Qətər və Azərbaycandan təklif almışıq. Hazırda danışıqlar gedir".
Ali Ademoğlu Azərbaycandan təklif aldıqları şirkətin adını açıqlamayıb: "Gələcək həftələrdə Qətərə getmək planımız var. Eyni zamanda Azərbaycandan bir enerji şirkətinin stadionun ad haqqını almaq istəyi gündəmə gəlib. Danışıqlar davam edir. İndi bu şirkətin adını açıqlamaq düzgün olmaz".
Fanat.Az