Azad Rəhimov Formula 1 üzrə Bakı mərhələsinin vaxtı və adının dəyişdirilməsinə münasibət bildirib

Azad Rəhimov Formula 1 üzrə Bakı mərhələsinin vaxtı və adının dəyişdirilməsinə münasibət bildirib
15:42 1 Dekabr 2016
52 İdman
Ölkə mətbuatı
A- A+

Bakı. 1 dekabr. REPORT.AZ/ Gənclər və idman naziri Azad Rəhimov 2017-ci il üçün Formula 1 təqvimində Bakıda keçiriləcək Qran Prinin adının və vaxtının dəyişdirilməsinə də münasibət bildirib. 
"Report"un məlumatına görə, nazir jurnalistlərə açıqlamasında Beynəlxalq Avtomobil İdmanı Federasiyasının qərarının Azərbaycana bir neçə üstünlük verdiyini söyləyib. 
O deyib ki, gələn il iyunun 25-də dünyanın Formula 1 həvəskarlarının marağı yalnız Azərbaycana yönələcək: "Ölkəmizdə bu yarış ikinci dəfə keçiriləcək. Yenilik və dəyişiklik ondan ibarətdir ki, Avropa Qran Prisi yox, Azərbaycan Qran Prisi adlanacaq. İkinci böyük dəyişiklik odur ki, yarış iyunun 25-də keçiriləcək. Yəni, bu Qran Pri "24 saat Le Man" marafonu ilə üst-üstə düşməyəcək və maraq paytaxtımızdakı yarışa yönələcək. Daha bir üstünlük isə maşınlar və avadanlıqların Kanadadan vaxtında gətirilməsidir. Qısa müddətdə 6-7 böyük transfer təyyarəsinin boşaldılması ilə bağlı problemlə üzləşməyəcəyik".

Xəbərin orijinal ünvanı: https://report.az/ferdi/azad-rehimov-formula-1-uzre-baki-merhelesinin-vaxti-ve-adinin-deyisdirilmesine-munasibet-bildirib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR