Şənbə günü oynanılacaq “Fənərbaxça”- “Beşiktaş” derbisinin hakimi müəyyənləşib.
Lent.az-ın Türkiyə Futbol Federasiyasının saytına istinadən məlumatına görə, qarşılaşmanı Hüseyn Göçək idarə edəcək.
Dekabrın 3-də keçiriləcək qarşılaşma Şükrü Saracoğlu stadionunda baş tutacaq. Derbinin start fiti Bakı saatı ilə 20:00-da çalınacaq.
Qeyd edək ki, Türkiyə Super Liqasında “Beşiktaş” 12 oyun sonunda 28 xalla 2-ci pillədə, “Fənərbaxça” isə 24 xalla 3-cü pillədədir. Liqaya 30 xalla “Başakşehir” liderlik edir.
