Bakıda “Təcili yardım” maşını qəzaya uğrayıb: xəstə ölüb, tibb bacısı yaralanıb

Bakıda “Təcili yardım” maşını qəzaya uğrayıb: xəstə ölüb, tibb bacısı yaralanıb
09:47 2 Dekabr 2016
238 Ölkə
Ölkə mətbuatı
A- A+

Bakı. 2 dekabr. REPORT.AZ/ Bakıda "Təcili yardım" avtomobili qəzaya uğrayıb, xəstə ölüb.
"Report"un xəbərinə görə, hadisə Suraxanı rayonu ərazisində, Hövsan yolunda baş verib.
Belə ki, Suraxanı rayonu 11 saylı Təcili Yardım Stansiyasının 24 nömrəli "Təcili yardım" avtomobili çağırış əsasında Hövsan qəsəbəsi Koorporativ ev 14 ünvanından kəskin mədə ağrısı ilə 61 yaşlı Əliyev Faiq Qədir oğlunu xəstəxanaya çatdırmaq istəyib. Hövsan yolunda "Azsamand" markalı avtomobil qəfildən "Təcili yardım" maşınına çırpılıb. Əraziyə digər "Təcili yardım" avtomobili cəlb edilib. Lakin qəza nəticəsində yaralanan F.Əliyevin həyatını xilas etmək mümkün olmayıb. Onun yanındakı tibb bacısı isə qəza zamanı xəsarət alıb.
Faktla bağlı Suraxanı Rayon Polis İdarəsində cinayət işi başlanılıb.

Xəbərin orijinal ünvanı: https://report.az/hadise/bakida-tecili-yardim-masini-qezaya-ugrayib-xeste-olub-tibb-bacisi-yaralanib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR