Bakı. 2 dekabr. REPORT.AZ/ İraqın Mosul şəhərinin terrorçu İŞİD qruplaşmasından azad edilməsi əməliyyatı zamanı 3600 hərbçi həlak olub.
“Report” "Haber7"yə istinadən xəbər verir ki, bu barədə İraqın şimalında qurulan kürd muxtariyyatının yaydığı rəsmi açıqlamada bildirilib.
İnformasiyaya görə, əməliyyatların davam etdiyi müddətdə 10 minə yaxın hərbçi yaralanıb. Bundan başqa, İraqın şimalındakı kürd muxtariyyətinin 1600 silahlısı ölüb.
BMT-nin məlumatında isə bildirilib ki, noyabrda Mosulda keçirilən anititerror əməliyyatı nəticəsndə İraq ordusunun 2000 hərbçisi həlak olub, 450-si isə yaralanıb.
Qeyd edək ki, Mosulun terrorçulardan azad edilməsi əməliyyatı oktyabrın 17-də başlayıb.
