“Yeni mahnılar yazdırıram. Musiqisi Cahangir Cahangirovun, sözləri Süleyman Rüstəmə aid olan “Sevgilim, söylə vəfasız mənəm” adlı mahnısını yenidən aranjiman etdirirəm. Akustik versiyada təqdim edəcəyəm”.
Bu sözləri Axşam.az-a açıqlamasında müğənni Nadir Qafarzadə deyib.
İfaçı bildirib ki, bir çox klassik mahnıları yeni aranjimanda təqdim edəcək:
“Novruz Aslandan bir mahnı almışam, onun üzərində çalışıram. Bir də xarici bəstə üzərində işləyirəm. Onu Azərbaycan sözləri ilə improvizə etmişik. Planımda bir neçə klassik mahnını yenidən aranjiman etdirmək də var. Müğənniyə aid olan hər şeyi edirəm”.
N.Qafarzadə əlavə edib ki, bundan sonra heç bir qalmaqalda adı hallanmayacaq:
“Söz-söhbətdən qaçıram. 46 yaşım var, mənə qalmaqal yaraşmaz. Bundan sonra mən etdiklərimlə hər kəsə örnək olmalıyam. Bütün müğənnilərin həyatında qalmaqal olub. Onları unutmaq lazımdır. Gənclər bizə baxıb, yaxşı şeylər götürsünlər”.
