Bakı. 2 dekabr. REPORT.AZ/ Fransada H5N8 virusu (“quş qripi”) aşkarlanan 5 min ördəkdən 2 mini öldürülüb, qalan 3 min ördək isə profilaktik tədbir görmək məqsədi ilə ayrılıb.
“Report” xarici KİV-ə istinadən xəbər verir ki, bu haqda Fransanın Kənd Təsərrüfat Nazirliyi məlumat yayıb.
İnformasiyaya əsasən, ölkənin cənub-qərbində yerləşən ördək saxlayan təsərrüfatda “quş qripi” aşkarlanıb.
Fransa bu epidemiyanın qarşısını ala bilməsə, o zaman “quş qripi olmayan dövlət” beynəlxalq statusu əldə edə bilməyəcək.