ADİF “Bank Standard”ın işdən azad olunmuş əməkdaşlarına müraciət edib

ADİF “Bank Standard”ın işdən azad olunmuş əməkdaşlarına müraciət edib
16:57 2 Dekabr 2016
Ölkə mətbuatı
A- A+

Bakı. 2 dekabr. REPORT.AZ/ Ləğvetmə prosesində olan “Bank Standard” QSC-nin ləğvedicisi Azərbaycan Əmanətlərin Sığortalanması Fondu (ADİF) Bankın işdən azad edilmiş əməkdaşlarına müraciət edib. “Report” xəbər verir ki müraciətdə bildirilir:
“Ləğvedici fəaliyyətə başladıqdan sonra bankın işçilərini işdən azad etməsi ilə bağlı kütləvi informasiya vasitələrində müxtəlif fikirlər bildirilməkdədir. Məsələyə aydınlıq gətirilməsi üçün aşağıdakıları ictimaiyyətin diqqətinə tədim etmək istərdik.
Bankların ləğvi və iflas proseduru “Banklar haqqında” qanunun tələblərinə uyğun şəkildə həyata keçirilir. Qanunun tələblərinə uyğun olaraq, ləğvedicinin əsas funksiyalarından biri bankın aktivlərini qorumaq və kreditorların maraqlarının təmin edilməsi üçün xərcləri optimallaşdırmaqdan ibarətdir. Bank lisenziyası ləğv edildiyi üçün banka qeyd olunan sahədə fəaliyyət göstərmək qanunla qadağan edilir. Bu baxımdan, bankın bir sıra işçilərinin əməyi bankın ləğvi prosesində öz əhəmiyyətini itirmiş və ləğvedici bankın xərclərini azaltmaq məqsədi ilə həmin işçilərlə əmək müqaviləsinə Əmək Məcəlləsinin 70 “a” bəndi ilə - müəssisənin ləğvi əsası ilə xitam verib. Qeyd etmək lazımdır ki, Banklar haqqında” qanun ləğvediciyə bu cür hüquq verib. Belə ki, həmin Qanunun 79.2-ci maddəsinə əsasən ləğvedici istənilən vaxt Əmək Məcəlləsində müəyyən edilmiş qaydada bankın işçilərinin bankla bağladıqları əmək müqavilələrinə xitam verə bilər.
Bəs işçilər işdən müəssisənin ləğvi əsası ilə azad edilərkən ləğvedici tərəfindən qanunvericiliyin tələblərinə riayət olunubmu? Əmək Məcəlləsinin 77-ci maddəsinin 3-cü hissəsinə əsasən əmək müqaviləsi bu Məcəllənin 70-ci maddəsinin «a» və «b» bəndləri ilə ləğv edilərkən işçilərə:
orta əmək haqqından az olmamaqla işdənçıxarma müavinəti;
işdən çıxarıldığı gündən yeni işə düzələn günədək ikinci və üçüncü aylar üçün orta əmək haqqı ödənilir.
Həmin Məcəllənin 77-ci maddəsinin 5-ci hissəsinə əsasən isə bu maddənin üçüncü hissəsində nəzərdə tutulan orta əmək haqqı müvafiq icra hakimiyyəti orqanı tərəfindən işçiyə verilən müvafiq arayışlar əsasında ödənilir. Həmin arayış işdən çıxan gündən bir ay müddətində müvafiq icra hakimiyyəti orqanında qeydiyyata alınan şəxslərə verilir.
Əmək Məcəlləsinin müvafiq normalarından göründüyü kimi müəssisənin ləğvi əsası ilə əmək müqaviləsinə xitam verilən anda işçiyə yalnız ən azı orta əmək haqqı məbləğində müavinət ödənilməlidir. 2-ci və 3-cü aylar üçün ödəniləcək orta əmək haqqı məbləği isə işçi yalnız işsizlik üçün qeydiyyata alındıqda və məşğulluq orqanlarından arayış təqdim etdikdə ödənilməldir. ADİF işdən azad olunan işçilərin təminatlarını qanunvericilikdə nəzərdə tutulan qaydada həyata keçirməkdədir.
Əlavə olaraq, bildirmək istərdik ki, Vergi Məcəlləsinin 102-ci maddəsində müəssisənin ləğvi əsası ilə işdən azad olunan işçilərə ödənilən təminatlar üzrə gəlir vergisindən azad olma nəzərə tutulmayıb”. 

Xəbərin orijinal ünvanı: https://report.az/maliyye/adi-f-bank-standard-in-isden-azad-olunmus-emekdaslarina-muraciet-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR