Belarus prezidenti Aleksandr Lukaşenko noyabrın 28-29-u
tarixlərində Bakıda səfərdə oldu. Bu səfər Belarus-Azərbaycan
münasibətləri fonunda olduqca əhəmiyyətli idi. Xüsusilə Kollektiv
Təhlükəsizlik Müqaviləsinin (KTMT) üzvü olan və 2017-ci ildə bu
quruma rəhbərlik edəcək Belarusun aprel müharibəsində olduğu kimi,
yenə də Azərbaycanın yanında olması diqqətçəkəndir.
Qarabağ üçün “ikinci Minsk”: Lukaşenkonu Bakıya gətirən SƏBƏBLƏR
Belarus liderinin məhz indi səfər etməsi yeni siyasi proseslərdən xəbər verir.
Səfər sonrası ən diqqətçəkən məqam isə Ermənistanın reaksiyasıdır.
Əslində, bu gözlənilirdi.
“Lukaşenkonun Bakı səfəri onu göstərdi ki, Belarus kimin
yanındadır”.
Bu barədə “armenainreport” saytı yazıb.
Sayt qeyd edir ki, əslində, Minsk Bakının yanında olduğunu hələ
aprel hadisələrində göstərmişdi.
“Bu, dəyişməz olaraq qalacaq və gələcəkdə də belə olacaq. Artıq
Belarus da Ermənistanın digər müttəfiqləri kimi Azərbaycana silah
satmaq qərarına gəlib. Əslində, Putindən Lukaşenkoya qədər hər kəs
KMTT-də və Avrasiya İqtisadi İttifaqında Bakının yanında
olduqlarını çoxdan sübut edib”, - deyə sayt qeyd edib.
Qeyd edək ki, aprel müharibəsi zamanı Aleksandr Lukaşenko Prezident
İlham Əliyevə zəng edərək, Azərbaycan Ordusunun ərazi bütövlüyünün
bərpası üçün atdığı bütün addımları dəstəklədiyini ifadə etmişdi.
Bu zəngdən bir gün sonra Belarus XİN bəyanat yayaraq, Lukaşenkonun
dediklərini bir daha qeyd etdi və tərəfləri atəşi dayandırmağa
çağırdı. Həmin vaxt Belarusun Ermənistandakı səfiri İqor Nazaryuk
Ermənistan XİN-ə çağırılmışdı.
“Yerkir” qəzeti yazır ki, Belarus Azərbaycana silah satmasının
Ermənistanda narazılıq yaradacağını bilə-bilə bunu edir: “Çünki
Lukaşenko üçün Sarkisyanın nə deyəcəyi əhəmiyyətli deyil.
Ümumiyyətlə, onun üçün Ermənistanın KTMT-də və Avrasiya İqtisadi
İttifaqında olması maraqsızdır”.
Asif
Xəbərin orijinal ünvanı: http://publika.az/news/nida_xeber/178292.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)
