Play Store

Şirkətlər üçün önəmli məsələ

Şirkətlər üçün önəmli məsələ
23:52 2 Dekabr 2016
69 Ölkə
Ölkə mətbuatı
A- A+

Bəzən yüz min vəsait tələb olunan işi müştəri pulsuz görür 

Milli.Az kaspi.az-a istinadən yazını təqdim edir.

Hər hansı bir fəaliyyətlə planı quranda öncə görülməli işlərdən biri də bu layihənin marketinq tərəfidir. Əgər marketinq işi yoxdursa, PR kampaniyası güclü olanlarla rəqabət aparmaq mümkün olmayacaq. aparmaqEtiraf etmək lazımdır ki, bu gün Sosial Media Marketinqinin (SMM) əsas hissəsini sosial şəbəkələr təşkil edir.

Müştəri hansısa sektorunun xidmətindən yararlanmaq istəyirsə, öncə sosial şəbəkə səhifələrini axtarır. Paylaşımlar, rəylər həmin xidmət haqqında bizdə müəyyən bir fikir formalaşdırmış olur. Bu da sosial şəbəkə səhifələrinin idarə edilməsində peşəkar yanaşma tələb edir. Müştərini yaxşı xidmətdən öncə xoş münasibətlə cəlb etmək mümkündür. Yaxşı xidmət göstərən çox ola bilər, amma müştəri onlar arasında seçim edərkən, daha xoş münasibətə üstünlük verəcək. 

Hər hansı xidmət təklif edilirsə, səhifənin reklamı da aparılır. Səhifədə izləyici sayının çox olması şirkətlərin maraq dairəsində olan məsələdir. Bunun üçün müxtəlif variantlardan istifadə edirlər. İzləyici sayının çox olması həm də fərqli münasibətlərə loyal münasibət tələb edir. Anacaq bəzən bunun əksi ilə də rastlaşırıq. Hansısa şirkətin səhifəsində tənqidi fikir yazılırsa, o rəy dərhal silinir və ya gizlədilir.  

Amma bu, peşəkar yanaşma tərzi sayıla bilməz. Bəs şirkətlərin sosial şəbəkə səhifələri necə idarə olunmalıdır? Bu işi kim görməlidir? Müştərilərlə sosial şəbəkə üzərindən ünsiyyət necə qurulmalıdır?

Qüsursuz və peşəkar iş üçün...

"YARAT" Müasir İncəsənət Mərkəzinin PR direktoru Hökumə Kərimova"Kaspi"yə açıqlamasında bildirdi ki, əvvəllər bir çox hallarda şirkətlərdə sosial şəbəkə səhifələrinin idarə edilməsi mətbuat katibinin üzərinə düşərdi. Amma müasir dövrdə qüsursuz və peşəkar iş üçün sosial media üzrə menecerin olması qaçılmaz məqamdır: "Bəlkə də əvvəllər mətbuat katibləri həm sosial şəbəkə səhifələrini idarə edir, həm də mətbuatla işləyir, eyni vaxtda davamlı olaraq, görüşlərdə iştirak edirdilərsə, bu gün bu işlərin hamısının ayrı-ayrılıqda idarə edilməsi labüddür. Qüsursuz işin ortaya qoyulması üçün hər bir işi peşəkarına həvalə etmək lazımdır. Bizim təşkilatda sosial medianı idarə edən şəxs PR komandasının tərkib hissəsindən biridir".

H.Kərimova deyir ki, təşkilat olaraq onlar üçün önəmli faktorlardan biri də şirkətin ünsiyyət kanallarıdır. Hazırda ünsiyyət kanallarından biri də sosial mediadır: "Bu gün sosial media ictimaiyyətdə böyük rol oynayır. Çünki insanların böyük qismi sosial media vasitəsilə informasiya almağa çalışır. Bu, bizim üçün önəmli olduğuna görə, səhifəmiz də peşəkar tərəfindən idarə olunur. Maksimal dərəcədə sosial şəbəkədə ictimaiyyətlə qurduğumuz ünsiyyətin müsbət səmtdə davam etməsinə çalışırıq".

"Heç bir sualın, rəyin cavabsız qalmamasına çalışırıq"

PR direktorun sözlərinə görə, sosial şəbəkə səhifələri hər kəsə açıqdır, buna görə fərqli münasibət, fərdi yanaşmalar ola bilər: "Bunlar normaldır. Biz bu kimi məqamlarda daha peşəkar yanaşmağa çalışırıq. Eyni zamanda, heç bir sualın, rəyin cavabsız qalmamasına çalışırıq".

H.Kərimova onu da bildirdi ki, səhifələrin idarə olunmasında adi qrammatik yazı qaydalarından tutmuş fikrin tam, dolğun çatdırılmasına qədər hər bir məsələ diqqət mərkəzindədir: "Fikrin tam çatdırılması, mesajların düzgün formada ictimaiyyətə ötürlməsi önəmlidir. Bu baxımdan istənilən bir məlumat, rəy ictimaiyyətə təqdim olunmamışdan öncə nəzərdən keçirilir".
 
PR üzrə mütəxəssis Vüqar Babanın sözlərinə görə, sosial media idarəçiliyi hədəf auditoriyası ilə daimi münasibətlər qurmaq, bu auditoriyanın fikirlərini öyrənmək, simpatiyasını qazanmaq, ona təsir etmək, bir sözlə - hədəf auditoriyasını idarə etmək istəyən qurumlar üçün vacib vasitədir. Bu, ictimai təşkilatlar üçün sadiq dəstəkçilər, daha az narazı kütlə, kommersiya qurumları üçün isə müştərinin sadiqliyini və yeni müştəri bazası qazanmaq deməkdir: "Şirkətlər və təşkilatlar sosial mediada olub-olmamaq seçimini özləri edirlər. Əgər sosial mediada olmağı seçiblərsə, Sosial Media İdarəçiliyinin yazılmış və yazılmamış qaydalarına əməl etməlidirlər. Əks təqdirdə sosial media kommunikasiyaları bu qurumların əleyhinə işləyə bilər". 
 
"Müştəri nədənsə narazılığını bildirirsə, bu, şirkətin xeyrinədir"
 
V.Baba deyur ki, qurumların sosial media mütəxəssisləri olduqları sosial medianın istifadəçiləri ilə kreativ vasitələrlə ünsiyyət qura bilsələr daha çox diqqət çəkərlər: "Hansısa xidmət sahəsi, yaxud məhsul varsa, təbii ki, burada narazı tərəf də olacaq. İş düzgün qurulubsa, bu narazılıqların sayı az ola bilər, amma heç olmaması mümkün deyil. Çünki, hər kəsi eyni səviyyədə razı salmağın özü qeyri-mümkündür. Qurumların sosial media mütəxəssisləri də auditoriyaları ilə sosial media üzərindən kommunikasiya edərkən, bu amili mütləq nəzərə almalıdırlar. İlk növbədə başa düşmək lazımdır ki, müştəri nədənsə narazılığını bildirirsə, bu, şirkətin xeyrinədir. Bir nəfər öz narazılığını yazıbsa, deməli, bu halla bağlı fikirlərini sizə sosial media üzərindən bildirməyən onlarla narazı şəxs var. Bu narazılığı vaxtında öyrənmək üçün iri holdinqlər əslində yüz minlərlə pul xərcləməyə hazırdırlar. Və xərcləyirlər də. Ən ucuzu isə ona bu narazılığı bildirən sosial media istifadəçisidir. Vaxtında problemi görüb, düzəltməsinə kömək edir". 

Mütəxəssis bildirdi ki, neqativ rəylərin səhifədə qalması imic olaraq xoş hal deyil, amma silinməsi və ya yazan şəxsə səhifə idarəçisi tərəfindən neqativ cavabın verilməsi isə daha pisdir: "Çünki həm öz müştərini incitmiş olursan, həm də bu narazı şəxs sizə qarşı daha kütləvi nəsə edə bilər. Çalışmaq lazımdır ki, bu tip şərhlərə də uyğun cavablar verilsin. Bacarıqlı şirkətlər belə narazılıqları böyütmədən, danışıqlar yolu ilə həll edir, hətta öz xeyirlərinə belə çevirə bilirlər".

Milli.Az


Xəbərin orijinal ünvanı: http://news.milli.az/society/495251.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR