Milli.Az Selanik piroqunun hazırlanma qaydasını təqdim edir
Tərkibi:
6 yumurta
1 st. narın suxarı
0,5 st. kakao
1 paket vanil
2 paket qabartma tozu
mixək
1 ç.q. darçın
0,5 portağalın sedrası
1 fincan portağal şirəsi
1 st. şəkər tozu
1 st. qoz
şərbət:
1 st. su
1 st. şəkər tozu
2-3 damcı limon şirəsi
Öncə şərbəti hazırlayın. Su ilə şəkər tozunu əriyənədək qaynadın. Ocaqdan götürməzdən əvvəl limon şirəsini əlavə edib 1-2 buğum qaynadın.
Yumurtaları çalıb suxarını əlavə edin. Kakao, vanil, qabartma tozu, mixək, darçın, portağalın sürtgəcdən keçirilmiş qabığı, portağal şirəsi və şəkər tozunu əlavə edərək qarışdırın. Yağlanmış formaya tökün. Üzərinə iri döyülmüş qoz səpin.
190 dərəcə qızdırılmış sobada 20 dəqiqə bişirin. Bişib-bişmədiyini çöplə yoxlayın. Sonra sobadan çıxarıb isti şərbəti üzərinə gəzdirin.
Nuş olsun!
resept: "Sofra" dərgisi
Digər maraqlı reseptlər üçün Facebook səhifəmizə üzv olun.
Milli.Az