Başa çatmaqda olan həftə məğlubiyyətsiz seriyaların qırılması ilə əlamətdardı. Apasport.az saytının məlumatına görə, Topaz Premyer Liqasındakı 14 matçlıq yenilməzliyi başa çatan “Qəbələ”nin ardından “Benfika” da uğursuzluğa uğrayıb.
Azərbaycan təmsilçisi ilə müqayisədə Portuqaliya klubunun seriyası daha uzun sürüb. Son 23 çempionat qarşılaşmasında yenilməyən lissabonlular “Maritimo” ilə səfər matçından məğlub ayrılıb – 1:2.
Qeyd edək ki, hazırda davam edən ən uzun məğlubiyyətsizlik seriyası Xorvatiya “Riyeka”sına məxsusdu – 30 oyun.
