"Real"ın futbolçusu Dani Karvajal "Barselona" azarkeşlərinə qeyri-etik jest edib. Fanat.Az xəbər verir ki, futbolçu "El Klasiko"nun son dəqiqəsində komanda yoldaşı Serxio Ramosun vurduğu bərabərlik qolundan (1:1) sonra yerli komandanın azarkeşləriən orta barmağını göstərib.
Matçdan sonra "Twitter" hesabından bir açıqlama yayan Dani Karvajal tribunaların özünə qarşı hərəkətlərinə cavab verdiyini bildirib: "Belə bir hadisə baş verməməli idi. Üzr istəyirəm".
Karvajalın bu görüntüsünü "Instagram" daxil olmaqla bəzi sosial media hesablarından paylaşan UEFA da etirazlardan sonra fotonu silib və bu açıqlamanı yayıb: "El Klasiko" zamanı UEFA hesablarında təhqir yükü daşıyan bir görüntü yayımlandı. Bu paylaşımın yaratdığı narahatlığa görə üzr istəyirik".
Fanat.Az
