İspaniyanın Malaqa şəhəri su altında qalıb

İspaniyanın Malaqa şəhəri su altında qalıb
17:37 4 Dekabr 2016
88 Dünya
Ölkə mətbuatı
A- A+

Bakı. 4 dekabr. REPORT.AZ/ İspaniyanın Malaqa şəhərinin mərkəzi həmçinin eyniadlı əyalətin digər yaşayış məntəqələri güclü yağışlar səbəbindən su altında qalıb.
"Report" xəbər verir ki, bu barədə EFE agentliyi məlumat yayıb.
Şəhərdə gün ərzində təqribən 200 müxtəlif qəza və insident baş verib.
Malaqanın bəzi mərkəzi küçələri su altında qalıb. Sürücülərə zərurət yaranmayınca avtomobil ilə küçələrə çıxmamaq tövsiyə olunub. Həmçinin bu gün şəhərdə keçirilməli olan marafon da təxirə salınıb. Şəhər metrosunun iki xəttində qatarların hərəkəti dayandırılıb. Daşqın nəticəsində hava limanının bir divarı uçub.
Daha çətin vəziyyət Marbel, Kartam, Estepon şəhərlərində yaranıb. Burada su tibb mərkəzi və məktəb binasına daxil olub, Alaurine-de-la-Torredə qocalar evi su altında qalıb.

Xəbərin orijinal ünvanı: https://report.az/diger-olkeler/i-spaniyanin-malaqa-seheri-su-altinda-qalib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR