Astarada yaşayış evində partlayış baş verib. Lent.az-ın Fövqəladə Hallar Nazirliyinin saytına istinadən məlumatına görə, partlayış rayonun Məscidməhəllə kəndində, vətəndaşa məxsus ikimərtəbəli, 6 otaqlı evdə qeydə alınıb. Evin 1-ci mərtəbəsində məişət qazının sızması nəticəsində partlayış olub.
Hadisə zamanı 1-ci mərtəbədə olan otaqların qapı-pəncərələri çərçivədən çıxıb, 1 nəfər isə müxtəlif yanıq xəsarətləri alaraq yanğınsöndürənlər çatana kimi aidiyyəti üzrə aparılıb.
Hadisə ilə əlaqədar müvafiq qurumlar tərəfindən təhqiqat aparılır.